प्रस्तुतीः राजन घिमिरेतपाईको श्रीमतीको के छ खबर ?
कुन चाहिँ भन्नु भएको ?
तपाईका श्रीमती धेरै छन् कि क्या हो ?
कुरा त्यसो होइन । घरमा एउटी अनि तीतो सत्यमा एउटी । मेरा दुइवटी श्रीमती छन् । त्यसैले मैले नै सोधेको हो कुन चाहिँ श्रीमतीको भनेर ।
उसो भए घरकै श्रीमतीको कुरा गरौं न त ?
छोराछोरी हुर्काएर बसिरहेकी छिन् र मेरो लामो उमेरको कामना गरिरहेकी होलिन् ।
अनि तीतो सत्यकी श्रीमतीको नि ?
तपाईसँग कुरा गरिरहँदा आज शुक्रबार हो । त्यसैले तितो सत्यकी मेरी श्रीमती शुक्रबार व्रत बस्छिन् । आज उनलाई भेटेको छैन । व्रतमा नै होलिन् ।
भनेपछि तपाईको लागि व्रत बसेकी होलिन् त ? तितो सत्यकी श्रीमतीले ?
अहिलेको जमनामा पनि अर्काको लागि कसले सोच्छ र ! धेरै मोटाएपछि डाइटिङ्ग गरेको रे । भगवानको नाममा शरीर घटाउने षडयन्त्र मान्छु म व्रतलाई ।
देशको प्रधानमन्त्री हुन पाउनु भयो भने के गर्नु हुन्थ्यो ?
अहिले त प्रधानमन्त्री हुनु छैन । किनकि कुनबेला सरकार ढल्छ थाहा नै हुँदैन ।
यतिबेला तपाईले चाहेको केटीसँग विवाह गर्न पाउनु भयो भने कसलाई गर्नु हुन्थ्यो ?
ऐश्वर्य रायलाई विवाह गर्थें । तर के गर्नु अमिताभ बच्चन र अभिषेकले मारिहाल्छन् नि ।
अर्काकी स्वास्नीमाथि आँखा त लगाउनु भएन नि ?
तपाईलाई थाहा छैन । सन्तान आफ्नो अनि श्रीमती अर्काको राम्रो ।
तपाईको जीवनको दिक्कलाग्दो क्षण ?
(लामो हाँसो) सोच्दै नसोचेको तपाईको प्रश्नको जवाफ दिनुपर्ला !
तपाईको बारेमा तपाई आफैंले सुनेको वाहियात कुरा… ?
म सोझो, सज्जन र भलाद्मी मान्छे रे ! यस्तो वाहियात कुरा पनि गर्ने हो त ?
कसैलाई मार्ने छुट पाउनु भयो भने…?
धेरै छन् । तिनीहरुमा त पहिले टप टेन, त्यसपछि टप फाइभ अनि टप थ्री बाट पनि छानेर ‘टप वन’ भएपछि भनौला हुन्न र ?
तपाई निकै सेक्सी हुनुहुन्छ रे नि ?
मलाई मात्र थाहा भएको कुरा तपाईलाई कसले भन्यो ? भन्नुस् त ।
केटी पनि खुब घुमाउनु हुन्छ होइन त ?
घुमाउनै पर्यो नि, तर तीतो सत्य टेलिफिल्ममा मात्र ।
ओसामा बिन लादेनलाई भेट्टाउनु भयो भने तपाईको प्रतिक्रिया ?
एकपटक मेरो सिरियल ‘तीतो सत्य’ मा खेलिदिनुस् भनेर आग्रह गर्दथें ।
अनि भगवान महादेवलाई भेट्टाउनु भयो भने नि ?
के हो महादेव जी, आफू चाहिँ जहिले पनि गाँजा र भाङमा मस्त हुने अनि हाम्रो चाहिँ वास्तै नगर्ने भनिदिन्थें ।
तपाई देखेर रिस उठेको मान्छेले तपाईलाई कसरी बोलाउँछ ?
ए दीपके भनेर नाम नै अशुद्ध पारेर बोलाउँछ भन्या ।
रक्सी त खुबै खानु हुन्छ रे ?
तपाई मेरो जासुस हो कि क्या हो यार ! मेरी श्रीमतीले पठाएको । मेरी श्रीमतीलाई थाहा नभएको कुरा ठ्याक्क-ठ्याक्क भन्नुहुन्छ बा !
केटीलाई फकाउने दुईवटा आइडिया भन्नुस् न ?
म त्यो आइडिया पत्रिकामा भन्दिन ! फेरि सबैले थाहा पाए भने त म प\mलप भैहाल्छु नि । तपाई मलाई एक्लै भेट्नुस् म सुटुक्क भनौंला ।
तीतो सत्यमा कलाकारलाई पारिश्रमिकमा खुबै मार्नुहुन्छ रे नि हो ?
आम्मै, के भनेको होला । यो त आफैं त महादेव उत्तानो टाङ्ग कसले देला बर भने जस्तै हो ।
Source: onlinekhabar.com
